မန်စီးတီးနဲ့အတူ ဖလားနှစ်လုံးအောင်မြင်မှုရယူဖို့ ပစ်မှတ်ထားနေတဲ့ ဆီမီညို
မန်စီးတီးအသင်းရဲ့ တောင်ပံကစားသမား အန်တွမ် ဆီမီညိုက သူတို့အသင်းဟာ ဒီရာသီမှာ ဖလားနှစ်လုံးအောင်မြင်မှု ရယူနိုင်ဖို့ ရည်မှန်းထားတယ်လို့ ပြောကြားလိုက်ပါတယ်။
ဆောက်သမ်တန်အသင်းနဲ့ ရင်ဆိုင်ရမယ့် FA ဖလား ဆီမီးဖိုင်နယ်ကို တက်လှမ်းထားနိုင်သလို ပရီးမီးယားလိဂ်မှာလည်း ဇယားထိပ်က အာဆင်နယ်အသင်းနဲ့ ကိုးမှတ်အကွာမှာ ရှိနေပါတယ်။ ဒါပေမဲ့ မန်စီးတီးက အာဆင်နယ်ထက် တစ်ပွဲလျော့ ကစားထားရသေးတာပါ။
လီဗာပူးကို အနိုင်ရခဲ့တဲ့ ကွာတားဖိုင်နယ်ပွဲစဉ်အပြီးမှာ ဆီမီညိုက "ဒါကြောင့်လည်း ကျွန်တော် မန်စီးတီးအသင်းကို ပြောင်းရွှေ့လာခဲ့တာပါ။ ကျွန်တော်က ဖလားတိုင်းအတွက် ယှဉ်ပြိုင်ချင်တာပါ။ ချန်ပီယံလိဂ်မှာ မပါဝင်နိုင်တာက စိတ်မကောင်းစရာ ဖြစ်ပေမဲ့ အနည်းဆုံးတော့ ကျွန်တော်တို့ ယှဉ်ပြိုင်ဖို့ ပရီးမီးယားလိဂ်နဲ့ FA ဖလား ရှိနေပါသေးတယ်။ ဒီဖလားတွေကို ကျွန်တော်တို့ အရယူနိုင်လိမ့်မယ်လို့ မျှော်လင့်ပါတယ်" လို့ ပြောကြားခဲ့ပါတယ်။
လီဗာပူးကို ၄ ဂိုး - ဂိုးမရှိနဲ့ အနိုင်ရခဲ့တဲ့ပွဲမှာ အာလင်း ဟာလန်း သွင်းယူခဲ့တဲ့ သုံးဂိုးထဲက တစ်ဂိုးကို ဆီမီညိုက ဖန်တီးပေးခဲ့တာဖြစ်ပြီး သူဟာ အသင်းအတွက် နောက်ထပ်တစ်ကြိမ် အစွမ်းပြနိုင်ခဲ့တာလည်း ဖြစ်ပါတယ်။
