လီဗာပူးနဲ့ မန်စီးတီးတို့ရဲ့ ဆုံးဖြတ်ချက်ကို စောင့်ဆိုင်းဖို့ အဆင်သင့်ဖြစ်နေတဲ့ အလွန်ဆို
ရှာဘီ အလွန်ဆိုဟာ လာမယ့်ရာသီမှာ ပရီးမီးယားလိဂ်ကို ပြန်လာဖို့ အဆင်သင့် ဖြစ်နေပါပြီ။
လီဗာပူး ကွင်းလယ်လူဟောင်း အလွန်ဆိုဟာ ရီးရဲလ်မက်ဒရစ် နည်းပြအဖြစ်ကနေ ထုတ်ပယ်ခံရပြီးနောက် သူ့ရဲ့ နောက်ထပ် အလုပ်အကိုင်ကို အင်္ဂလန်မှာပဲ ရှာဖွေဖို့ ရည်ရွယ်ထားပါတယ်။
TalkSPORT ရဲ့ ဖော်ပြချက်အရ အလွန်ဆိုဟာ ဒီရာသီရဲ့ နောက်ဆုံးလတွေမှာ လီဗာပူးနဲ့ မန်စီးတီးတို့ရဲ့ အခြေအနေတွေ ဘယ်လိုဖြစ်လာမလဲဆိုတာကို စောင့်ကြည့်နေတယ်လို့ သိရပါတယ်။
လီဗာပူးမှာ အာနယ်ဆလော့က ဖိအားတွေနဲ့ ရင်ဆိုင်နေရသလို၊ ပက်ဂွာဒီယိုလာကလည်း မန်စီးတီးမှာ သူ့ရဲ့ အနာဂတ်အတွက် စဉ်းစားနေတာကြောင့် ဒီနွေရာသီမှာ အသင်းနှစ်သင်းလုံးရဲ့ နည်းပြရာထူးတွေ လစ်လပ်သွားနိုင်တယ်လို့ ခန့်မှန်းချက်တွေ ထွက်ပေါ်နေပါတယ်။
တကယ်လို့ ရာသီအကုန်မှာ ဆလော့သာ ရာထူးက ထုတ်ပယ်ခံရမယ်ဆိုရင် အလွန်ဆိုနဲ့ လီဗာပူးတို့ကြားက ပတ်သက်မှုတွေက သူ့အတွက် အခွင့်အလမ်း ပိုများစေမှာပါ။ ဒါပေမဲ့ မန်စီးတီး ဘုတ်အဖွဲ့ဝင်တွေကလည်း သူ့ကို အထင်ကြီးလေးစားမှု ရှိနေကြပြီး အသင်းမှာ နည်းပြသစ် လိုအပ်လာခဲ့ရင် ခေါ်ယူဖို့ လျာထားတဲ့ စာရင်းထဲမှာ ဘိုင်ယန်လေဗာကူဆင် နည်းပြဟောင်းရဲ့ အမည်ကိုလည်း ထည့်သွင်းထားကြပါတယ်။
၂၀၂၃-၂၄ ရာသီမှာ အလွန်ဆိုဟာ လေဗာကူဆင်အသင်းကို ဘွန်ဒက်လီဂါနဲ့ ဂျာမန်ဖလား (Double) ရအောင် စွမ်းဆောင်ပေးခဲ့သူလည်း ဖြစ်ပါတယ်။
