ယူနိုက်တက်မှာ ကွန်ဟာကို တိုက်စစ်မှူးနေရာမှာ ပိုပြီး မြင်တွေ့ချင်နေတဲ့ ကာရစ်
မန်ချက်စတာယူနိုက်တက်နည်းပြ မိုက်ကယ်ကာရစ်က မားသီးယပ်စ် ကွန်ဟာကို အထောင်တိုက်စစ်မှူးတစ်ဦးအဖြစ် သူ မြင်မိကြောင်း ဝန်ခံပြောကြားလိုက်ပါတယ်။
မနေ့ညက ချယ်လ်ဆီးအသင်းကို ၁-၀ ဂိုးနဲ့ အနိုင်ရရှိခဲ့တဲ့ပွဲစဉ်မှာ ကွန်ဟာက ယူနိုက်တက်အတွက် အဖိုးတန် အနိုင်ဂိုးကို သွင်းယူပေးခဲ့တာပါ။
အဆိုပါ ဘရာဇီးလ်တိုက်စစ်မှူးနဲ့ ပတ်သက်ပြီး ပွဲအပြီးမှာ ကာရစ်က "ဟုတ်ပါတယ်၊ အဲဒီနေရာဟာ ကျွန်တော်တို့ သူ့ကို ရှိနေစေချင်တဲ့ နေရာပါပဲ" လို့ ပြောခဲ့ပါတယ်။
"သူက တစ်ခါတလေမှာ ဘေးတောင်ပံဘက်တွေမှာ ကစားပေးနိုင်ပေမဲ့ ဂိုးရှေ့တည့်တည့်မှာ နေရာယူပြီး ဂိုးတွေသွင်းယူဖို့က ပိုအရေးကြီးပါတယ်။ ကွန်ဟာဟာ ကျွန်တော်တို့အတွက် အရေးပါတဲ့ အခိုက်အတန့်တွေကို အများကြီး ဖန်တီးပေးထားပြီးသားပါ။ အခုကတော့ နေရာလွတ်တွေ ရှာဖွေတတ်ဖို့နဲ့ ဂိုးသွင်းရာမှာ ပိုပြီး တည်တည်ငြိမ်ငြိမ်ရှိဖို့ပဲ လိုအပ်တာပါ" လို့ ဆိုပါတယ်။
"ခင်ဗျားပြောသလိုပါပဲ၊ သူ အစောပိုင်းမှာ အခွင့်အရေးတစ်ခု ရခဲ့ပါသေးတယ်။ အဲဒီအချိန်တုန်းကတော့ သူ ကိုယ့်ကိုယ်ကိုယ် နည်းနည်း စိတ်ပျက်နေပုံ ရပါတယ်။ အဲဒါက တကယ်ကို အခွင့်အရေးကောင်းတစ်ခု ဖြစ်ခဲ့ပြီး အခု အနိုင်ဂိုးရခဲ့တဲ့ အနေအထားနဲ့လည်း ဆင်တူပါတယ်။ အဲဒီလိုနေရာမျိုးမှာ ထပ်ပြီးရှိနေပေးနိုင်ခဲ့ပြီး တည်တည်ငြိမ်ငြိမ်နဲ့ ဂိုးအဖြစ် အဆုံးသတ်နိုင်ခဲ့တာဟာ သူ ဘယ်လောက်အစွမ်းအစရှိလဲဆိုတာကို ပြသလိုက်တာပါပဲ" လို့ ကာရစ်က ပြောကြားခဲ့ပါတယ်။
