ဘာနာဒိုဆေးလ်ဗားကို ဘာစီလိုနာအသင်းဆီ ပြောင်းရွှေ့ဖို့အတွက် သူ့ရဲ့အေးဂျင့်က စတင်ကမ်းလှမ်းနေ
မန်စီးတီးအသင်းခေါင်းဆောင် ဘာနာဒိုဆေးလ်ဗားဟာ အခုလာမယ့်နွေရာသီမှာ ဘာစီလိုနာအသင်းဆီ ပြောင်းရွှေ့ဖို့ ဆန္ဒရှိနေပါတယ်။
ဘာနာဒိုဟာ အခုရာသီအကုန်မှာ မန်စီးတီးနဲ့ စာချုပ်သက်တမ်းကုန်ဆုံးတော့မှာဖြစ်လို့ အသင်းကနေ ထွက်ခွာတော့မှာဖြစ်ပြီး ဂျူဗင်တပ်စ်အသင်းနဲ့လည်း အဆက်အသွယ်ရှိနေပါတယ်။
ဒါပေမဲ့လည်း အသက် ၃၁ နှစ်အရွယ် ကစားသမားရဲ့အေးဂျင့်ဖြစ်သူ ဂျော့ချ်မန်ဒက်စ်ဟာ သူ့ရဲ့ကစားသမားကို ခေါ်ယူဖို့အတွက် ဘာစီလိုနာအသင်းရဲ့ အာဏာပိုင်တွေနဲ့ လက်ရှိမှာ အဆက်အသွယ်လုပ်နေတယ်လို့ Sport သတင်းဌာနက ဖော်ပြထားပါတယ်။
လွန်ခဲ့တဲ့ ၂ နှစ်က ဘာနာဒိုကို ဘာစီလိုနာက ခေါ်ယူချင်ခဲ့ပေမဲ့ မန်စီးတီးက တောင်းဆိုတဲ့ ပြောင်းရွှေ့ကြေး မြင့်မားလွန်းတာကြောင့် မပြောင်းဖြစ်ခဲ့ပါဘူး။ အခုတော့ သူဟာ အလွတ်ပြောင်းရွှေ့ကြေး (Bosman transfer) နဲ့ ထွက်ခွာနိုင်ပြီဖြစ်လို့ အပြောင်းအရွှေ့ဆွေးနွေးမှုတွေကို ပြန်လည်စတင်နိုင်ဖို့ မျှော်လင့်နေတာပါ။
ဘာနာဒိုရဲ့ လစာတောင်းဆိုမှု မြင့်မားနိုင်တာနဲ့ ဘာစီလိုနာအသင်းမှာ ကွင်းလယ်ကစားသမား ရွေးချယ်စရာတွေ အများကြီးရှိနေပေမဲ့လည်း၊ အေးဂျင့်ဖြစ်သူ မန်ဒက်စ်ကတော့ ဒီကွင်းလယ်လူကို ခေါ်ယူဖို့အတွက် ဘာစီလိုနာနည်းပြ ဟန်ဆီဖလစ်နဲ့ အားကစားဒါရိုက်တာ ဒီကိုတို့ကို ဖျောင်းဖျနားချကာ ကြိုးစားတိုက်တွန်းနေပါတယ်။
